ek hou begrafnis
‘n mis
vir al die môres wat nooit sou breek
vir al die drome
wat noodwendig sou sterf
stap in die stoet
slapvoet stadig
om vir laas
te rou
te onthou
maar dan doelbewus te groet
om uiteindelik te wéét
daar sal geen weersiens wees
(c) Kopiereg voorbehou
René Boshoff het gesê,
Augustus 20, 2007 at 10:34 nm
Dit help as mens “closure” kan kry né?? Anders jaag die spoke jou elke donkernag rond … en jy bly soek, onthou, herleef…!
rianabrand het gesê,
Maart 1, 2008 at 9:14 nm
Wil se dat ek ook begrafnis van dinge hou wat nog nie dood is nie, net om vir myself tog die geleentheid te gee om dit ‘n plekkie te gee en ‘n kers te mag opsteek, myself toestemming gee om te huil en totsiens te se. (dit geluk my nie die kappies en totjes op alles te sit!! sorry)
Marieta het gesê,
Mei 18, 2008 at 4:32 vm
Gerrie,
Hier is ietsies van my. Dis maar in ons bloed!
Marieta
Grabouw- Winter 1958
In ‘n gebroke halfmaan sit ons
warm voete- rooi gevlek van
fel dennehitte; die klipkaggel-
sy geel-en-rooi mond oopgesper
asof hy iets angswekkends, dringend aan ons wil sê
maar dit slegs in vaal as op ‘n hoop gaan lê.
Slukkend teug ons aan soet moerkoffie, lees, blaai telkens
om ; verskuif, sug, tuur in die vuur,
die tyd tik sistematies uur vir uur
as vaer agtergrond – orkes die
reënbuie siedend op die sink
en skel gekletter wat vanuit die kombuis weerklink.
Wanneer die verlede nou diep in my spook
Verwyte, hartseer en pyn dreig om soos sooibrand
in my op te stoot; word die bitter en die
kwaad wat wraak wil hê
‘n skadelose donsvaal duif
wat in my onthou kom lê.
GISTER
Flarde herinnerine wat soos landskappe verbyskuif
en vae beelde agterlaat
van verledes wat vreemd-bekend
van veraf wink
en soos rukkerige ou films
half dof en vaal uit gister blink.
Vergeefs probeer my hand die lyne vasvat
Of stilmaak voor my flikkeroog
Vergeefs wil ek die prente inneem
Voordat hul verbygly
En êrens in die vaag en mis
In ewe onbekendheid in verdwyn
Dit bly slegs half-bekende flarde
En ek wat peinsend bly probeer.
Om uit die vaal vakuum van gister
Verwonderd, onseker, half weemoedig
Die waarheid uit die dof te weer.
En so my na die Lig te keer.
johan het gesê,
Mei 18, 2008 at 6:36 vm
Hierdie gedigte is aangrypend moooi! Ek hoop daar is nog van hulle
dankie
johan
boerinballingskap het gesê,
Mei 20, 2008 at 12:06 vm
Marieta, ek waardeer jou besoek en kommentaar baie! Dankie dat jy hierdie gedigte deel – ek stem saam met johan hierbo. Jy kan trots wees op sulke skrywes.
attie het gesê,
Mei 29, 2008 at 7:34 nm
Besonder geskryf. Dankie. Gaan bietjie bêre vir later se gebruik.
Drome. Nagmerries & Begrafnisse « SKOOR het gesê,
September 9, 2009 at 5:21 nm
[...] Nagmerries & Begrafnisse 2009 September 9 by Skoor Boer hou begrafnis op sy blog. Jare terug al. En ek wonder of hy, soos ek, ook soms nog wonder en wonder en wroeg [...]