wie ek is
soms
as die grys reen
natkombers om my draai
mis ek
die soel somersaande in gordonsbaai
soms
as die sneeu
pragwit teen die heuwels vlok
mis ek
namakwaland se bonthelder lenterok
soms
as ‘n kakofonie
van hangul hierogliewe
op my ore val
mis ek
die warm klanke
van my grootwordtaal
my st helena
jou ceylon
struikel
strompel
stap
al verder van die suidlandson
ek is ‘n boer in ballingskap
(c) Kopiereg voorbehou
45 Kommentaar
leave one →
Pragtig geskryf!!!!!
troedels
Hou maar aan skryf Boer, jy mag maar…
Thanks again, MJ! Jy is my persoonlike Imbongi!
Boertjie … wat vir ‘n ding is ‘n Imbongi?
Dis ‘n tradisionele Xhosa “praise singer” wat die leier of koning se goedhede besing.
Nice geskryf! Vanaand val die reën saggies hier buite in Somerset-Wes so asof dit die amptelike aankondiging van die Kaapse winter is. Dit wil amper so half winter in mense se hart ook word en die lees van jou skryfsels help nie juis om die nostalgie minder te maak nie. Maar thnx! Dis great stuff.
Dankie. Ek verlang nou sommer baie huis toe…
Boerinballingskap en so beland ek by jou gedigte! En die Afrikaans lees so lekker en ek geniet sommer elke oomblik en verlang huis toe!
Willem, bly jy hou daarvan. Dis maar wat ek doen as ek verlang.
ek laaikit.
wat my wel ‘n bietjie dronkslaan is die hiërogliewe. wat beteken hangul? (is dit ‘n pleknaam?)
Bly jy jou daarvan. Ek dink min mense sal seker weet wat “Hangul” is. Dis die naam van die Koreaanse alfabet.
mal oor die vers van jou!
Dis verskriklik mooi!!
wow !
Ai tog!
Hierdie naweek het ons die enkele uur sonskyn gebruik om boerewors en pap en sous te eet, n regte egte kosmos gesien blom op vriende se plaas (hulle was verbaas dat ons die blommetjie herken het) en gehoor my ma-hulle kan nie kom kuier nie. Heimwee…
Jy dig baie mooi.. zilla
Boer in Ballingskap,
Ek weet nie wie jy is nie, maar ek hou van jou gedig. Ek het jou kommentaar gesien op my niggie se blog. En wonder wie jy is?
Zaijian
Tanya
Dankie, Tanya!
Hallo boerinballingskap, jou gedig is baie baie mooi!
Ek lees baie… nog nooit ‘gekyk’ wie jy is nie…. maar jy’s ‘n fascinating mens!
Me like!!!
Baie raak gesê. Sal weer kom besoek aflê. Leonc
Nou jy maak sommer die digter in my wakker…besonders mooi geskryf…my komplimente…maar dan moet ek ook erken dat die mooiste dinge op papier tereg kom as jou pyn die ergste is. Dankie vir jou inspirasie. Groete uit Belgie….waar dit te veel reen en ek soms die reen rigting Karoo toe wil stuur!!
Regtig mooi geskryf.
Hoe bly is nou skielik ek is nog hier. Miskien bietjie ver van Gordonsbaai en die Van Riebeeck Hotel se stoep, maar die suidlandson. . . ek kan hom nog saans koebaai se oor die oseaan.
Jy moet asb nog baie skryf.
Ek het dit nou weer kom lees, en is steeds geraak soos die eerste keer.
Jy kan maar. Hoekom try jy nie opgeneem word in die ‘Nuwe Stemme’ bundel nie?
Man, welgedaan, knap geskryf, en waar tot op die been. Die mooiste deel is:
“soms
as ‘n kakofonie
van hangul hierogliewe
op my ore val
mis ek
die warm klanke
van my grootwordtaal”
Boer, jy mag maar!!
Dankie, flintstoned!
Hallo, Boerkind, Antie het nou met die aanskaf van 24/7 internettyd, eers regtig kans om oral te kuier. En ek staan verstom oor ons mense se talent— die meeste se perfekte taalgebruik maak dat ek sommer my blog wil delete! Maar ek glo ons is almal speserye wat hierdie dis sy besonderse unieke geur en smaak gee. Jou gedig het my in S&T gehad—– dit is so ongelooflik mooi. Hoe bly is ek tog dat mens na so lang tyd nog kan lees en kommentaar lewer. Wat is volgende?
jinne jy praat so uit my mond uit…’n mens aanvaar so vanselfsprekend jou land, haar mense en haar taal en wanneer jy jouself midde ‘n land soos Korea bevind, dan verlang jy na haar en alles omtrent haar…ek was so nostalgies begin Januarie..ek kon die somer ruik en proe by die huis…..
hemel! maar dit is sooooooo mooi.
Jy het my sommer hier in trane vanaand.
Sal jy my toelaat om die gedig op my blog te publiseer???
(en die Sommelier — is dit jy??)
Soos ‘n pottebakker met klei maak, so maak jy met woorde. Jy skryf tot binne-in mens se siel … van goeters waaroor mense nie meer praat nie. Jou hartbreek mooi gedig is lente reen op ‘n kaalvoet kind se moee retoriese denke. Dankie – “wie is ek” is my geskenkie wat ek om die kronkels van vandag se lang pad ontdek het
i can relate! (sorry, weet nie hoe om dit in goeie afr te sê nie)
Lieflike gedigte wat tot ‘n mens se hart spreek, Boer.
Dankie, seegogga! Bly jy’t hier kom lees!
soek,
altyd oppad…
nooit nerens werklik tuis
beweeg ons aan
van huis-tot-Huis
is party van ons
bedoel om te swerwe
en nooit te weet
waar ons sal sterwe?
Inderdaad….mooi woorde.
Jy praat so uit my hart uit. Ek is met ‘n ‘uitlander’ getroud en moes nou al 11 jaar in ander lande tuistes skep. Die lewe is goed vir my en ek het baie geleenthede ens……. maar om ‘n boermeisie soos ek uit haar land te haal, weg van haar mense en haar taal is soos om ‘n gevestigde Stinkhoud te probeer uit die grond uit trek en erens in ‘n groot pot te probeer plant.
Die outjie kan maar net nie so lekker groei as sy wortels nie kan vestig nie !
Hi boerinballingskap, dankie eerstens vir die mooi gedigte en woorde … ek lees oor n insetsel van jou asook fotos wat jy gepubliseer het oor die bord speletjie “Boereplaas” … ek het die bordspeletjie in my besit maar kan nie onthou hoe om dit te speel nie en wat die reels is nie … indien moontlik en as jy my kan help daarmee sal ek dit hoog op prys stel …
Hallo, kan jy asseblief vir my agter op die doos van julle speletjie kyk wie die vervaardiger was? Ons het ‘n speel goedwinkel en almal soek die speletjie by my…ek sal ‘n BAIE gelukkige Afrikaner vrou wees as julle my kan help. My epos adres is ladybirdvz@yahoo.com
Baie dankie.
Vriedelike Groete
Esme
Dankie, Anoniem. Ek het egter nog nooit oor die speletjie “Boereplaas” geskryf nie. Ek het dit wel lank terug ‘n keer of twee gespeel, maar kan die reels glad nie onthou nie.
Mens wonder maar hoe die skaakstel hom gaan uitspeel in daardie geweste – ek sukkel bietjie om kommentaar op jou skrywe te lewer anders as hier. Dalk het jy raad. Mooi aand. O ja ek is bietjie nuut met die blogging
NUWE STEMME 5 soek na nuwe digters vir publikasie in die nuwe uitgawe van NUWE STEMME. Stel jy dalk belang? Indien wel – email my en ek sal vir jou die besonderhede stuur. Ek dink jy kwalifiseer 200 persent! Veral die BOER IN BALLINGSKAP gedig. Laat weet my so spoedig moontlik – sluitingsdatum is 31 Maart 2012
Asseblief – skryf in! Daar MOET net meer mense wees wat jou mooi woorde MOET lees!
schabbers@gmail.com
Baie dankie vir die vertroue! Ek kontak jou en kom ons kyk…
Met groot toeval beland ek op jou blog boerinballingskap. Self is ek nie die grootste kuns en kultuur ou nie, maar jou woorde is so mooi, dit maak alle die senuwees van my hart wakker.
Sterkte daar waar jy nou is en hou aan skryf!
Ek het n versoek. dalk is dit verwaand of voor op die wa.
Kan jy n gedig skryf wat my so trots los op my taal soos wat ek is, so trots los op my land en sy mense soos wat ek is, en bo en behalwe my trots hou en inspireer vir die toekoms hier in SA? Nie oor die verlede nie maar oor die hede en toekoms waarna ons beweeg?
Ek het nou n klomp van jou goed gelees en so baie maak my emosioneel. Groot geword op die plaas in die agter paarl, woon nou in bberg (Soos jou gedig) Mal oor my land , my taal en my mense. ek kyk na jou foto van die dam en ek weet dit vertel vir my genoeg van wie jy is. Is dit moontlik? Ek gaan raai n ou plat op die aarde, lief vir die grond en sy mense?
In elk geval, sterkte daar waar jy is, ek dink jy inspireer duisende.
Cheers.
Louis dankie vir jou inspirerende kommentaar. Ek sal bietjie my gedagtes laat gaan. Nog nooit goed gewees met ‘n gedig “uitdink” nie. Die woorde kom gewoonlik na my toe.