Skip to content

Doctor Fish (wanneer sushi wraak neem…)

Mei 23, 2008

100 4073 Ek het al menigmaal reeds op Koreaanse TV gesien hoe mense na ‘n spa gaan en dan met hulle voete in die water sit, terwyl honderde klein vissies aan hulle voete knibbel. Dit het maar altyd vir my na ‘n snaakse affere gelyk en my nuuskierig gelaat oor wat nou eintlik die punt is…

Uiteindelik kry ek toe nou die dag die geleentheid om persoonlik met Doctor Fish (soos dit bekend staan) kennis te maak. Versigtig het ek eers my hand in die water gedruk om net te voel en seker te maak die vissies byt nie te seer nie. Maar die geknibbel is kompleet soos die gevladder van vlerkies al om jou hand. Avontuurlustig soos altyd, het dit nie veel verdere oorreding geverg om my skoene af te stroop en my moee voete in die verhitte water te druk nie. Rondom my was daar net Koreane en hulle het omtrent geglimlag, vingergewys en selfs foto’s van die uwe geneem. Ek dink nie dis ‘n alledaagse gebeurtenis om ‘n westerling by ‘n Doctor Fish spa te sien nie.

S7300225Ek het rustig met my voete in die water gaan sit. Dit was omtrent net etlike nano-sekondes voor die vissies soos ‘n klomp miniatuur piranhas op my voete afpyl en begin smul. In die begin was dit baie kielierig en een of twee keer het ek my voete uitgepluk as ek dit nie langer kon hou nie. Ek het egter gou gewoond geraak daaraan en ‘n goeie halfuur sit en ontspan met die trosse vissies aan my voete. Aan die einde van die sessie het my voete sommer vars gevoel en baie skoon gelyk.

Ek het nog steeds nie geweet wat die punt van die oefening is nie, maar het vermoed hulle vreet die dooie velletjies van jou voete af. Met bietjie oplees, is my vermoede bevestig. Die spesie wat gebruik word vir die pedikuur is genaamd Garra Rufa (populer genoem Doctor Fish) en kom inheems in die Midde Ooste voor. Sodanige spa-S7300227behandelings is skynbaar reeds lank deel van die lewe in Turkye en het eers onlangs in Asie aanklank gevind. Japan was die eerste Asiese land wat met hierdie behandelings begin het en vandaar het dit ook versprei na oa Korea, China, Singapoer en Maleisie. Dit is baie gewild in Korea en daar is baie spa’s waar jy kan gaan vir Doctor Fish se pedikuur. Ek sal glad nie omgee om weer te gaan nie. Hoewel ek twyfel of hulle hond-haaraf maak met hierdie groot, skurwe voete van my, is so ‘n veersagte voetmassering ‘n lekker vorm van ontspanning.

25 Kommentaar leave one →
  1. Mei 23, 2008 11:13 nm

    Baie baie cool! Klink half sif, maar ek kan dink dat dit lekker moet voel…

  2. Reisiger permalink
    Mei 23, 2008 11:27 nm

    Nee Boer!! Ek weet nie of ek sal kan stil sit met al hierdie vissies wat knibbel aan my tone en voete nie!! Ek is baie grillerig en kielierig. My voetspa moet maar liewer die joppie doen! 🙂

  3. Mei 23, 2008 11:52 nm

    /me wonder of ons van die vissies SA toe kan invoer! Dit moet nou ‘n lekker bederf wees!!

  4. Mei 24, 2008 7:04 vm

    Ooo, ek sal mal wees daaroor. Daar is vir my niks so lekker bederf soos ‘n lekker pedicure nie🙂

  5. Mei 24, 2008 5:53 nm

    Dis freaky! Ek is inelkgeval so kielerig, daar is nie ‘n manier nie. Bly jy’t dit geniet.

  6. Mei 24, 2008 10:39 nm

    Jissou, dit klink lekker. Ek wonder of ek die vrou kan oortuig om vanaand Dr Fish te wees !

    Ek het bietjie opgelees, lyk my dit kan lei tot minor bleeding en dat dit oumens-voete (hard) bo kindervoete verkies.

  7. Mei 25, 2008 1:05 vm

    “Ek het bietjie opgelees, lyk my dit kan lei tot minor bleeding en dat dit oumens-voete (hard) bo kindervoete verkies.”

    Euw😯

  8. Mei 25, 2008 8:30 nm

    Waar het jy daardie feit opgelees, mieliepap? Maar dis sekerlik moontlik. En ek kan ook dink dat hulle ouer, lekkere skurwe voete verkies. Dis hoekom hulle so ‘n feesmaal gehad het met my pote!🙂

  9. Mei 26, 2008 1:36 vm

    Gelukkig is ek nie so groot op sushi nie, so ek reken hulle sal my genadig wees😉 Ek het ook al baie gewonder oor die advertensie op tv, maar nou weet ek! Dit lyk na ‘n heerlike bederf!

  10. Mei 26, 2008 5:37 vm

    Dit klink na ‘n ondervinding!

  11. Mei 26, 2008 10:50 vm

    Ek dink ek sal heeltemal te kielierig wees vir die gedoente!😉

  12. Mei 26, 2008 6:33 nm

    Ongelooflik – nou ja, elke dag leer ‘n mens iets nuuts in die blogsfeer! Maar gee my maar eerder ‘n old-fashion foot massage!

  13. Mei 26, 2008 6:52 nm

    BiB: Dit is vir my interessant om te sien hoe jy al die dinge probeer en dan gaan navors wat aangaan. Lekker om hier te kom kuier.

  14. Mei 26, 2008 8:13 nm

    Dalk moet ons die vissies invoer en in plaasdam gooi. Kan baie geld maak uit die storie. Dit is nou as hulle nie opgevreet gaan word nie. Klink vir my baie lekker.

  15. Mei 26, 2008 8:42 nm

    Jy gee my nou ‘n blink plan. Ons oudste swot Somatologie en maak die jaar klaar. Wonder oor volgende jaar se opsies……voila DR Fish in Suid Afrika!!!!

  16. Mei 27, 2008 12:27 vm

    Attie, ek is maar ‘n chroniese informasie-stofsuier.🙂
    Rustig, ek dink die vissies gaan dalk effe groot raak in die plaasdam en dan gaan hulle baie meer as net jou voete eet!😀
    Marina, kan ek by voorbaat erkenning kry en net so ‘n klein deeltjie van die wins…?
    Thanx vir die kuier hier, Emil.

  17. Mei 27, 2008 1:19 vm

    Wow, klink oulik. Hoe voel jou skurwe voete nou?

  18. Mei 27, 2008 9:02 nm

    🙂

  19. Mei 28, 2008 8:32 nm

    Ek sal dit beslis kan geniet.😉

  20. Bertus! permalink
    Mei 29, 2008 5:32 nm

    Die Arabs in Ajman het ook sulke vissies

  21. Mei 30, 2008 12:01 vm

    Ek neem aan Ajman is in die VAE? Indien wel, wat keer jou?

  22. Junie 5, 2008 1:17 vm

    En as die visse groot is verkoop hulle dit aan die Chinese?

  23. Junie 5, 2008 1:36 vm

    Ek weet nie, maar ek het ‘n vermoede die vissies raak nie veel groter nie.

  24. Julie 22, 2008 11:55 nm

    Hier is ‘n interessante artikel oor die eerste Doctor Fish spa in die VSA.

Trackbacks

  1. Aquana waterpark « Kaalvoet ini reen

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: