Skip to content

Jaar van die Tier

Februarie 13, 2010

Seollal (Soos die Sjinese Nuwejaar in Korea bekend staan) is op ons en miljoene Koreane sal hierdie naweek die pad vat na hul ouerhuise, geboorteplekke en voorouers se grafte. Nou nie op dieselfde skaal as die reuse migrasie van biljoene Sjinese die naweek nie, maar minder ontwrigtend is dit nie – Korea het immers 50 miljoen mense wat saamwoon op ‘n stukkie aarde effe groter as die Vrystaat. Weke en selfs maande voor die tyd word treine, vliegtuie en busse bespreek en gedurende die naweek is daar ure en ure se verkeersopeenhopings op die paaie. Voor Seollal is die winkels ‘n malhuis vol geskenke en spesiale aanbiedinge. Baie trek hul veelkleurige tradisionele hanbok-uitrustings aan en tradisioneel word daar tteokguk (sop met ryskoekies) geëet. Die kinders speel tradisionele speletjies soos yutnori (‘n Koreaanse bordspeletjie), ry swaaie, spring wipplank, vlieg vlieërs en gooi houttolle. Dis uitermate ‘n gesinstyd.

091231 p11 6Korea02-KoreanMap-Tiger

En dit alles om afskeid te neem van die Jaar van die Os en die Jaar van die Tier te verwelkom. Die Koreane het ‘n spesiale verbintenis met die tier en dis ‘n dier wat telkens in ou Koreaanse volksverhale voorkom, hoofsaaklik as ‘n dapper beskermheer van die Koreaanse volk. In mitologie word die tier beskou as ‘n goddelike dier wat Korea simboliseer, baie soos die draak in Sjina. Die tier word meestal uitgebeeld as ‘n mistiese wese wat uit sy pad gaan om mense te help en teen bose invloede te beskerm. Vir Koreane simboliseer die tier vertroue en standvastigheid en daarom sal mens heel dikwels hier sien dat Korea se geografie as ‘n tier uitgebeeld word. Dit is voorts ook die embleem van die nasionale sokkerspan. Die verwagting in Korea is dus dat hierdie jaar ‘n baie goeie jaar vir die land en sy mense sal wees.

tigerkorea-2006-logo

Vir diegene wat belangstel in die Oosterse Diereriem: Indien jy in 1938, 1950, 1962, 1974, 1986 of 1998 gebore is, is jy in die Jaar van die Tier gebore. As tier is beskik jy oor deursettingsvermoë en is jy entoesiasties, dapper, eerlik en vasberade. Voorts boesem jy vertroue in, hou jy van uitdagings en bly jy positief. Aan die negatiewe kant, is jy egter geneig om hardkoppig en rebels te wees en nie na ander se raad te luister nie. Jy jaag jou doelwitte ten alle koste en kan by tye bombasties en baasspelerig wees. Jy het nie baie diep vriendskappe nie en is van nature nie ‘n romantikus nie (ek is nie ‘n tier nie!).

NS: Die Sjinese Nuwejaar word ook amptelik gevier in oa Viëtnam, Mongolië, Bhutan, Taiwan, Maleisië en Singapoer. Dit word egter nie in Japan gevier nie.

11 Kommentaar leave one →
  1. Februarie 13, 2010 12:46 vm

    Ek sidder om te dink hoe die paaie more gaan lyk, maar travel sal ek travel.
    Die geskenkpakke in die winkels laat my mond nou nog oophang en toe moes my baas mos vir ons almal een koop. Ek is die gelukkige wenner van ‘n hele jaar se voorraad spam!

  2. Februarie 13, 2010 3:38 vm

    Dankie vir ‘n baie goeie pos. Die tier is vir my een van die allermooiste diere, veral die Bengaalse tier.

  3. Februarie 13, 2010 2:35 nm

    The tiger is for me one of the most beautiful animals.

Trackbacks

  1. Die visuele nirvana wat die koue die moeite werd maak « Boer in Ballingskap
  2. Dis die Konyn se beurt « Boer in Ballingskap

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: