Dan is dit nou hoe die lente lyk…
Maart 10, 2010
Net so ‘n week terug bring ek toe heel poëties ‘n laaste ode aan die winter en spreek die versekering uit dat die lente om die draai is. Wel, duidelik is ek geen weerkundige nie en het ek die winter voortydig halt geroep. Van Saterdag af het die temperature begin tuimel. Sondag het dit begin reën en teen Maandagmiddag het die reën in sneeu omgesit. Nie vlokkies nie, sommer sulke vlokke. Dis die swaarste sneeu hierdie winter en dit op die drumpel van die lente. Die foto’s spreek vanself…(en ja, dit is so koud soos dit lyk).
Addendum: Hierdie inskrywing is geensins bedoel om onsensitief te wees teenoor Kapenaars nie.
(NS: Kyk ook by Kaalvoet en vir nog foto’s van die lente)
Boer in Ballingskap 
Pragtig! Ek kry skoon heimwee teug Kanada toe. Ag as dit maar in SA geneeu het.
Brrrrrr!, maar mooi.
Seisoene: my gunsteling ‘briewe’ uit Korea van nog altyd af in my blog-lewe. Fantastiese foto’s soos altyd. Die laaste een laat my aan die volgende quote dink:
“Courage is not the towering oak that sees storms come and go; it is the fragile blossom that opens in the snow.”
Daar is vir my iets onbeskryflik mooi aan ‘untouched snow’ .. asof dit ampertjies heilig is, want dit le soos n ‘canvas’ vir vars voetspore en wag.
Make it worth remembering!
Elf, bly jy geniet ook die seisoene hier so oor die afstand. Baie mooi aanhaling daardie. Wie het hierdie wyse woorde gespreek?
Dis n ou sonde van my om mense se woorde te leen sonder om aan hulle erkenning te gee omdat ek so haastig is om in die betekenis van hul woorde te wandel. Hierdie een het ons te danke aan ene Alice M Swaim. Die foto’s lyk nou met die weer-kyk vir my steeds soos iets uit n prentjieboek.
Dankie vir die terugvoer, Elf!
Dis pragtig. Ek hou niks van koudkry nie. Dus, dankie vir die foto’s! 😆
Ek sal ook maar net hier uit my hoekie na die koekies kyk. Ek en koue is nie goeie maats nie.
😆 Ek het vakansie nodig… dringend… die kiekies!
Wat het jy in die sneeu gesien??? Ek lees dit self nou eers raak, dus dink ek ekself kan ook doen met ‘n vakansie. 😆 😆
Maar dis so mooi, dit maak dit die kouer werd. (Solank die hoop op warmer dae bly staan, natuurlik.)
Ek stem saam!
Brrrrrrrrrrrrr….agtig! en ek kan die koue sommer voel! 🙂