Skip to content

Dis die Konyn se beurt

Februarie 1, 2011

Die Tier lê vierpoot in die lug en dis weer daardie tyd van die jaar…die tyd wanneer die Koreane in hulle hordes reis na hulle geboortedorpe om die koms van die Sjinese Nuwejaar saam met familie te vier. Die 3de Februarie lui, volgens die Oosterse maankalender die Jaar van die Konyn in. Oor die algemeen staan die Oosterse nuwejaar as Sjinese Nuwejaar bekend en word, behalwe vir Sjina, oa ook gevier in Taiwan, Singapoer, Viëtnam* en natuurlik Korea. Hier in Korea staan dit bekend as Seollal. Baie Koreane sal op nuwejaarsdag tradisionele hanbok-uitrustings dra, tteokguk (sop met ryskoekies) eet en die tradisionele speletjies soos yutnori (‘n Koreaanse bordspeletjie) speel.

bugs bunny-300x225

In Korea word die konyn verbind met gesondheid en spesifiek die lewer. Daar is dus baie Koreaanse volksverhale waarin die konyn help om die lewer van siek persone te herstel (‘n handige diertjie, inderdaad!). Die konyn word ook nou verbind met die maan en in die Koreaanse geskiedenis stel die konyn dikwels vriendskap, harmonie en goeie verhoudings tussen mense voor.

8281233-year-of-the-rabbit-2011-with-chinese-symbol-on-red-background

Indien jy enigsins belangstel: As jy gebore is in 1927, 1939, 1951, 1963, 1975, 1987 of 1999 is jy in die Jaar van die Konyn gebore. Die goeie eienskappe van jou persoonlikheid is dat jy ‘n goeie vriend is, asook vriendelik, sensitief, empaties, elegant, skaam, maar selfversekerd. Die negatiewe eienskappe is dat jy moontlik buierig en hardkoppig is en rykdom najaag.

istockphoto 14873999-chinese-year-of-the-rabbit-2011-color

Die beste deel van Seollal is dat ek vir drie volle dae en ‘n naweek verlof het. Vir eers groet ek en durf die pad aan saam met die miljoene ander hier in Korea. Die ski-hellings roep…

Voorspoedige Nuwejaar!

*In die Viëtnamese diereriem word die konyn met die kat vervang. Dus is dit in Viëtnam die Jaar van die Kat.

15 Kommentaar leave one →
  1. ShiningFire permalink
    Februarie 1, 2011 9:00 nm

    Hoe dan anders? Daar is mos ‘n haas op die maan!
    Voorspoedige Nuwejaar vir jou Boer! Geniet die ski-hellings. Bou vir ons ‘n haas mannetjie uit die sneeu en stuur foto’s!🙂

    Die Aap stuur groete!🙂
    SF

  2. Februarie 1, 2011 10:19 nm

    Ek is ‘n ROT! Yikes!

  3. Februarie 2, 2011 1:00 vm

    Geniet die vakansie dae.

  4. Februarie 2, 2011 1:52 vm

    Hoop daar’s die keer warm water…
    Dis eintlik jammer dat jy die hasie op die maan net die kant kan sien…dink die Koreane sou nogal gefreak het daaroor😉

  5. Celia Neveling permalink
    Februarie 4, 2011 12:04 vm

    Die jare is nie kalenderjare nie, ek is in Jan 1964 gebore en ‘n kat, ek hou meer van die idee om ‘n kat te wees as ‘n haas, om een of ander rede pas dit my beter😉

  6. Februarie 4, 2011 12:23 vm

    Interessant genoeg was hier vandag nogal heelwat e-pos verkeer by die werk oor die feesvieringe hier in Jhb.

  7. Februarie 4, 2011 1:16 vm

    ek mis toe die jaar van die konyn… gelukkig ook maar!!!

  8. Dries permalink
    Januarie 31, 2013 4:52 nm

    Boer jy nog met konyne boerinballingskap?

Trackbacks

  1. Oor sneeu, ski en sneeuplankry « Boer in Ballingskap
  2. Die Jaar van die Draak « Boer in Ballingskap

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: