Dino-smarties

Nee, dis nie klippies wat ek in die bos naby die tempel opgetel het nie…dis my gunsteling Koreaanse lekkers. Ek het vandag besluit dat die sintuiglikke genot wat hierdie lekkers my bied, ‘n blog-inskrywing werd is. Ek noem dit sommer Dino-smarties. Ek is al amper verslaaf aan die goed, nadat my kids my die eerste keer daaraan bekend gestel het. Die groot Dino-eier is by verre die lekkerste. Ek hou dit altyd tot laaste, suig dit, rol dit in my mond rond, totdat my gebit die dop breek en ek die sagte, smaaklike sjokolade oor my tong voel rol.